ആലുവയില് നിന്ന് കാണാതായ കുട്ടിയെ കണ്ടെത്തി
Sunday, May 26, 2024 10:07 PM IST
കൊച്ചി: ആലുവയിൽ നിന്ന് കാണാതായ അതിഥി തൊഴിലാളിയുടെ മകളെ അങ്കമാലി റെയിൽവേ സ്റ്റേഷനിൽ നിന്നും കണ്ടെത്തി. ഞായറാഴ്ച വൈകുന്നേരം അഞ്ചിനാണ് 12 വയസുള്ള കുട്ടിയെ കാണാതായത്.
കടയിൽ പോയതിനുശേഷം കുട്ടിയെ കാണാതാവുകയായിരുന്നു. ജന്മനാടായ കോൽക്കത്തയിലേക്ക് തിരികെ പോകാനാഗ്രഹിച്ചാണ് കുട്ടി ആലുവയിലെ വീട് വിട്ടതെന്നാണ് സൂചന.
രണ്ട് മാസം മുമ്പാണ് കുട്ടി അമ്മയ്ക്കൊപ്പം ആലുവയിലെത്തുന്നത്. സിസിടിവി ദൃശ്യങ്ങൾ ശേഖരിച്ച് ആലുവ പോലീസ് നടത്തിയ അന്വേഷണത്തിലാണ് കുട്ടിയെ കണ്ടെത്തിയത്.