കാറുകൾ കൂട്ടിയിടിച്ച് തലകീഴായി മറിഞ്ഞു; അഞ്ചു പേർക്ക് പരിക്ക്
Sunday, May 26, 2024 8:28 PM IST
കൊല്ലം: ചടയമംഗലം ശ്രീരംഗത്ത് കാറുകൾ കൂട്ടി ഇടിച്ച് തലകീഴായി മറിഞ്ഞുണ്ടായ അപകടത്തിൽ അഞ്ചു പേർക്ക് പരിക്കേറ്റു. തേനി സ്വദേശികളായ കുടുംബം സഞ്ചരിച്ചിരുന്ന വാഹനവും ആയുർഭാഗത്തുനിന്നും വന്ന വാഹനവുമാണ് കൂട്ടിയിടിച്ചത്.
ഇടിയുടെ ആഘാതത്തിൽ തമിഴ്നാട് സ്വദേശികൾ സഞ്ചരിച്ച കാർ റോഡിൽ തലകുത്തനെ മറിഞ്ഞു. അപകടത്തിൽ ഗുരുതരമായി പരിക്കേറ്റ തമിഴ്നാട് സ്വദേശിയായ യുവതിയെ വെഞ്ഞാറമൂട്ടിലെ സ്വകാര്യ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
വർക്കലയിലും ജഡായുപ്പാറയിലും സന്ദർശനം കഴിഞ്ഞ് മടങ്ങുന്ന സംഘമാണ് അപകടത്തിൽപ്പെട്ടത്. പോലീസും ഫയർഫോഴ്സും സ്ഥലത്തെത്തി മേൽ നടപടികൾ സ്വീകരിച്ചു.