കെഎസ്യു സംസ്ഥാന ക്യാമ്പില് കൂട്ടത്തല്ല്; ദൃശ്യങ്ങള് പുറത്ത്
Sunday, May 26, 2024 10:47 AM IST
തിരുവനന്തപുരം: നെയ്യാര് ഡാമിലെ രാജീവ് ഗാന്ധി ഇന്സ്റ്റിറ്റ്യൂട്ടില് നടക്കുന്ന കെഎസ്യു സംസ്ഥാന ക്യാമ്പില് കൂട്ടത്തല്ല്. നിരവധി ഭാരവാഹികള്ക്ക് പരിക്കേറ്റു.
ശനിയാഴ്ച അര്ധരാത്രിയോടെയാണ് സംഭവം. നാടന്പാട്ട് നടക്കുന്നതിനിടെയാണ് കൂട്ടത്തല്ലുണ്ടായത്. തിരുവനന്തപുരത്തുനിന്നുള്ള ചില ഭാരവാഹികളാണ് സംഘര്ഷത്തിന് തുടക്കമിട്ടതെന്നാണ് സൂചന.
സംഘര്ഷത്തിന്റെ കാരണം എന്താണെന്ന് വ്യക്തമല്ല. പുറത്തുനിന്ന് വന്ന ചിലരാണ് പ്രശ്നമുണ്ടാക്കിയതെന്ന് കെഎസ്യു സംസ്ഥാന പ്രസിഡന്റ് അലോഷ്യസ് സേവ്യര് പ്രതികരിച്ചു
സംഭവത്തില് കെപിസിസി പ്രസിഡന്റ് റിപ്പോര്ട്ട് ആവശ്യപ്പെട്ടു. ഇന്ന് തന്നെ അന്വേഷണം നടത്തി റിപ്പോര്ട്ട് സമര്പ്പിക്കാനാണ് നിര്ദേശം.