രഘുപതിഭട്ടിനെ ബിജെപി പുറത്താക്കി
Sunday, May 26, 2024 3:25 AM IST
ഉഡുപ്പി: പാർട്ടിവിരുദ്ധ പ്രവർത്തനം നടത്തിയതിന് കർണാടകയിൽ മുൻ എംഎൽഎയെ ബിജെപി പുറത്താക്കി. ഉഡുപ്പിയിലെ മുൻ എംഎൽഎ രഘുപതി ഭട്ടിനെയാണ് ആറു വർഷത്തേക്ക് പുറത്താക്കിയത്.
എംഎൽസി തെരഞ്ഞെടുപ്പിൽ പാർട്ടിയുടെ ഔദ്യോഗിക സ്ഥാനാർഥിക്കെതിരേ സ്വതന്ത്രനായി മത്സരിക്കുന്നതിന്റെ പേരിലാണു അച്ചടക്കനടപടി.
വിഷയത്തിൽ നേരത്തെ ഇദ്ദേഹത്തിന് പാർട്ടി കാരണം കാണിക്കൽ നോട്ടീസ് നൽകിയിരുന്നു.