സ്കൂട്ടറിൽ മയക്കുമരുന്ന് വിൽപനയ്ക്കിറങ്ങിയ യുവാവ് അറസ്റ്റിൽ
Sunday, May 26, 2024 12:46 AM IST
തിരുവനന്തപുരം: പാളയത്ത് മയക്കുമരുന്നുകളുമായി യുവാവ് പിടിയിൽ. നിറമൺകര സ്വദേശി അഖിൽ (23) ആണ് എക്സൈസ് സ്പെഷൽ സ്ക്വാഡിന്റെ പിടിയിലായത്.
രാത്രിയിൽ സ്കൂട്ടറിൽ മയക്കുമരുന്ന് വിൽപ്പനയ്ക്കിറങ്ങിയപ്പോഴാണ് യുവാവ് പിടിലായത്. ഇയാളിൽ നിന്ന് 11.0833 ഗ്രാം എംഡിഎംഎയും 15 ഗ്രാം കഞ്ചാവും കണ്ടെടുത്തു.
അര ഗ്രാമിൽ കൂടുതൽ എംഡിഎംഎ കൈവശം വയ്ക്കുന്നത് എൻഡിപിഎസ് നിയമപ്രകാരം ജാമ്യമില്ലാത്ത കുറ്റകൃത്യമാണ്. മോഷണ കേസിലും, കഞ്ചാവ് കേസിലും അഖിൽ മുൻപും പ്രതിയായിട്ടുണ്ട്.