തൃശൂരില് കൂറ്റന് മരം വീണ് പെട്ടി ഓട്ടോ തകര്ന്നു
Friday, May 24, 2024 9:40 AM IST
തൃശൂര്: കനത്ത മഴ തുടരുന്നതിനിടെ തൃശൂര് ജില്ലാ ആശുപത്രിക്ക് സമീപം കൂറ്റന് മരം വീണ് പെട്ടി ഓട്ടോ തകര്ന്നു. റോഡ് സൈഡില് നിര്ത്തിയിട്ടിരുന്ന വാഹനത്തിന് മുകളിലേക്കാണ് മരം വീണത്.
ഈ സമയത്ത് വാഹനത്തിനുള്ളില് ആളില്ലാതിരുന്നതിനാല് വലിയ അപകടം ഒഴിവായി. അപകടത്തിന് തൊട്ടുമുമ്പാണ് നിറയെ യാത്രക്കാരുള്ള ബസ് റോഡിലൂടെ കടന്നുപോയതെന്ന് ദൃക്സാക്ഷികള് പറഞ്ഞു.
ജില്ലാ ആശുപത്രിയുടെ പീഡിയാട്രിക് വാര്ഡിന് സമീപമാണ് അപകടം. ഫയര്ഫോഴ്സ് സ്ഥലത്തെത്തി മരക്കൊമ്പുകള് മുറിച്ച് മാറ്റാനുള്ള ശ്രമം തുടരുകയാണ്.