14 വയസുകാരനെ മോഷണക്കുറ്റം ആരോപിച്ച് തടഞ്ഞുനിർത്തി മർദിച്ച പ്രതി അറസ്റ്റിൽ
Friday, May 24, 2024 6:48 AM IST
ആലപ്പുഴ: കായംകുളത്ത് സൈക്കിളില് വന്ന പതിനാലുകാരനെ മര്ദിച്ച കേസില് പ്രതി അറസ്റ്റില്. കൃഷ്ണപുരം കാപ്പില് കിഴക്കുമുറിയില് ആലംപള്ളില് വീട്ടില് ജിജി എന്ന മനോജ് (47) ആണ് അറസ്റ്റിലായത്.
ആക്രി സാധനങ്ങള് വിറ്റ ശേഷം സൈക്കിളിൽ മടങ്ങുകയായിരുന്ന കുട്ടിയെ മനോജ് തടഞ്ഞു നിര്ത്തി മർദിച്ചതായാണ് പരാതി. ആക്രി സാധനങ്ങള് മോഷ്ടിച്ചതാണോ എന്ന് ചോദിച്ചായിരുന്നു മര്ദനം.
മർദ്ദനമേറ്റ കുട്ടിക്ക് ഒപ്പമുണ്ടായിരുന്ന സഹോദരനെ ഇയാള് ഭീഷണിപ്പെടുത്തിയതായി പരാതിയിൽ പറയുന്നുണ്ട്. കോടതിയില് ഹാജരാക്കിയ മനോജിനെ ജുഡീഷ്യല് കസ്റ്റഡിയില് റിമാന്ഡ് ചെയ്തു.