വാടക വീട് കേന്ദ്രീകരിച്ച് വില്പന നടത്തിയിരുന്ന രണ്ട് കോടിയുടെ ലഹരി മരുന്ന് പോലീസ് പിടികൂടി
Wednesday, May 22, 2024 5:55 AM IST
കോഴിക്കോട്: വാടക വീട് കേന്ദ്രീകരിച്ച് ലഹരിമരുന്ന് വില്പന നടത്തിയിരുന്ന ലഹരി മരുന്നുകൾ പോലീസ് പിടികൂടി. പുതിയങ്ങാടി എടക്കല് ഭാഗത്തെ വീട്ടില് നിന്നാണ് മയക്കുമരുന്ന് കണ്ടെടുത്തത്.
രണ്ട് കോടിയോളം വില വരുന്ന ലഹരി ഉല്പന്നങ്ങളാണ് ഇവിടെനിന്നും പിടികൂടിയത്. പോലീസിനെ കണ്ടതോടെ വീട്ടിലുണ്ടായിരുന്ന യുവാക്കൾ ഓടി രക്ഷപ്പെട്ടു. മലപ്പുറം, താമരശേരി സ്വദേശികളാണ് ഇവരെന്നാണ് വിവരം.
കോഴിക്കോട് നഗരം കേന്ദ്രീകരിച്ച് ലഹരി വില്പന നടത്തുന്നവരാണ് ഇവര്. യാതൊരു രേഖകളും വാങ്ങാതെയാണ് വീട്ടുടമ ഇവര്ക്ക് വീട് വാടകക്ക് നല്കിയതെന്നും പോലീസ് പറഞ്ഞു.