അനധികൃതമായി തോക്ക് കൈവശം വച്ചു; മംഗളുരുവില് രണ്ട് മലയാളികള് അറസ്റ്റില്
Tuesday, May 21, 2024 1:10 PM IST
മംഗളൂരു: അനധികൃതമായി തോക്ക് കൈവശം വച്ച സംഭവത്തില് രണ്ട് മലയാളികള് മംഗളുരുവില് അറസ്റ്റില്. മഞ്ചേശ്വരം കടമ്പാര് സ്വദേശി മുഹമ്മദ് അസ്ഗര് (26) മഞ്ചേശ്വരം മൂടമ്പയില് സ്വദേശി അബ്ദുള് നിസാര് കെ (29) എന്നിവരാണ് പിടിയിലായത്.
കര്ണാടക പൊലീസാണ് ഇവരെ അറസ്റ്റ് ചെയ്തത്. ഉള്ളാലിലെ തലപ്പാടിയില് നിന്ന് പിസ്റ്റളുമായി കാറില് വരുന്പോഴാണ് പിടിയിലായത്. പിസ്റ്റളിനൊപ്പം രണ്ട് തിരകള്, രണ്ട് മൊബൈല് ഫോണുകള് എന്നിവയും പോലീസ് പിടിച്ചെടുത്തിട്ടുണ്ട്.
മുഹമ്മദ് അസ്ഗര് നേരത്തേയും ക്രിമിനല് കേസുകളില് പ്രതിയാണെന്ന് കര്ണാടക പൊലീസ് വ്യക്തമാക്കി. മഞ്ചേശ്വരം പോലീസ് സ്റ്റേഷനില് കൊലപാതകശ്രമം, തട്ടിക്കൊണ്ട് പോകല് എന്നിവയ്ക്കും ഉള്ളാള് സ്റ്റേഷനില് കഞ്ചാവ് വില്പനയ്ക്കും ബംഗളുരു ബയ്യപ്പനഹള്ളി സ്റ്റേഷനില് കഞ്ചാവ് കടത്തിയതിനും അസ്ഗറിനെതിരെ കേസുകളുണ്ട്.