പയ്യന്നൂരില് വന് കവര്ച്ച; വീട് കുത്തിതുറന്ന് 75 പവന് മോഷ്ടിച്ചു
Tuesday, May 21, 2024 10:15 AM IST
കണ്ണൂര്: പയ്യന്നൂരില് വീട് കുത്തിതുറന്ന് 75 പവന് സ്വര്ണം കവര്ന്നു. പെരുമ്പയില് സി.എച്ച്.സുഹറയുടെ വീട്ടിലാണ് കവര്ച്ച നടന്നത്. രാവിലെ ഉറക്കം ഉണര്ന്നപ്പോളാണ് മുന്നിലെ വാതില് തുറന്നു കിടക്കുന്നത് കണ്ടത്.
വാതിലിന്റെ പൂട്ട് പൊളിച്ചാണ് മോഷ്ടാവ് അകത്തു കയറിയത്. രണ്ട് മുറികളിലായുണ്ടായിരുന്ന അലമാരകള് കുത്തിപ്പൊളിച്ചാണ് കവര്ച്ച നടത്തിയതെന്നു വീട്ടുകാര് പറഞ്ഞു. വീടിനുള്ളില് കമ്പിപ്പാരയും കത്തിയും വാളും ഉപേക്ഷിച്ച നിലയില് കണ്ടെത്തി.
സംഭവം നടക്കുമ്പോള് പരിയാരം മെഡിക്കല് കോളജ് ആശുപത്രിയില് ചികിത്സയിലുള്ള ഭര്ത്താവ് ആമുവിനൊപ്പമായിരുന്നു സുഹറ. വീട്ടില് മകനും ഭാര്യയും മക്കളുമാണ് ഉണ്ടായിരുന്നത്. ഇവര് മുകളിലത്തെ നിലയിലായിരുന്നു.