കഞ്ചാവുമായി യുവാവ് അറസ്റ്റിൽ
Monday, May 20, 2024 11:49 PM IST
ആലപ്പുഴ: മൂന്നു കിലോ കഞ്ചാവുമായി യുവാവിനെ എക്സൈസ് അറസ്റ്റ് ചെയ്തു. ആലപ്പുഴ പൂന്തോപ്പിൽ ഒറ്റക്കണ്ടത്തിൽ വീട്ടിൽ മനുക്കുട്ടൻ (39) ആണ് അറസ്റ്റിലായത്.
ഇയാൾ വാടകയ്ക്ക് താമസിക്കുന്ന കോമളപുരത്തെ വീട്ടിൽ നടത്തിയ പരിശോധനയിലാണ്
കഞ്ചാവ് പിടികൂടിയത്. മനുക്കുട്ടൻ നിരവധി ക്രിമിനൽ കേസുകളിലെ പ്രതിയാണ് .
മനുക്കുട്ടന് കഞ്ചാവ് എത്തിച്ച് കൊടുക്കുന്ന ആളെ തിരിച്ചറിഞ്ഞെന്നും ഇയാൾക്കായി തെരച്ചിൽ ഊർജിതമാക്കിയെന്നും എക്സൈസ് സംഘം പറഞ്ഞു.