ഇംഗ്ലീഷ് പ്രീമിയര് ലീഗ് കിരീടം മാഞ്ചസ്റ്റര് സിറ്റിക്ക്
Monday, May 20, 2024 12:02 AM IST
ലണ്ടൻ: ഇംഗ്ലീഷ് പ്രീമിയർ ലീഗ് കിരീടം സ്വന്തമാക്കി മാഞ്ചസ്റ്റർ സിറ്റി. സിറ്റിയുടെ തുടർച്ചയായ നാലാം കിരീട നേട്ടമാണിത്. ലീഗിലെ അവസാന മത്സരത്തില് വെസ്റ്റ്ഹാമിനെ ഒന്നിനെതിരെ മൂന്ന് ഗോളുകൾക്ക് തകർത്താണ് സിറ്റി കിരീടത്തില് മുത്തമിട്ടത്.
രണ്ടാം മിനിറ്റിൽ ഫിൽ ഫോഡൻ സിറ്റിക്കായി ആദ്യ ഗോൾ നേടി. 18-ാം മിനിറ്റിൽ ഫോഡൻ വീണ്ടും വലകുലുക്കി. 42-ാം മിനിറ്റിൽ മുഹമ്മദ് കദുസ് വെസ്റ്റ് ഹാമിനായി ഗോൾ നേടി.
59-ാം മിനിറ്റില് റോഡ്രിഗോയാണ് സിറ്റിയുടെ വിജയം ഉറപ്പിച്ച മൂന്നാം ഗോൾ വലയിലെത്തിച്ചത്. പിന്നീട് വെസ്റ്റ് ഹാമിന്റെ താരങ്ങൾ ഗോൾ മടക്കാൻ കിണഞ്ഞു ശ്രമിച്ചെങ്കിലും ഗോൾ മാത്രം പിറന്നില്ല.
38 മത്സരങ്ങളിൽ നിന്ന് 91 പോയിന്റു നേടിയാണ് മാഞ്ചസ്റ്റർ സിറ്റിയുടെ വിജയം. എവർട്ടണെ ഒന്നിനെതിരെ രണ്ട് ഗോളിന് തോൽപ്പിച്ച ആഴ്സണൽ 89 പോയിന്റോടെ രണ്ടാം സ്ഥാനത്ത് ഫിനിഷ് ചെയ്തു.