ഭാര്യയെ വെട്ടിക്കൊലപ്പെടുത്തി ; ഭർത്താവ് കീഴടങ്ങി
Sunday, May 19, 2024 10:35 PM IST
കൊച്ചി : ഭാര്യയെ വെട്ടിക്കൊലപ്പെടുത്തിയ ശേഷം ഭർത്താവ് പോലീസ് സ്റ്റേഷനിൽ കീഴടങ്ങി. കോലഞ്ചേരി കിടാച്ചിറ വീട്ടില് ലീല (64) ആണ് കൊല്ലപ്പെട്ടത്.
സംഭവത്തിൽ ലീലയുടെ ഭര്ത്താവ് വേണാട്ട് ജോയി (ജോസഫ്, 77) പുത്തൻകുരിശ് പോലീസ് സ്റ്റേഷനിൽ കീഴടങ്ങി. തന്റെ സ്വത്തുക്കൾ ഭാര്യയും മക്കളും തട്ടിയെടുക്കാൻ ശ്രമിച്ചതിന്റെ പകയാണ് കൊലപാതകത്തിന് കാരണമെന്ന് ജോയി പോലീസിൽ മൊഴി നൽകി.
ഇവരുടെ മൂന്ന് മക്കളും വർഷങ്ങളായി വിദേശത്താണ്. ജോയിയും ഭാര്യയും ഓസ്ട്രേലിയായിലുള്ള മകനോടൊപ്പമായിരുന്നു തമാസം. മൂന്ന് മാസം മുമ്പ് ജോയി നാട്ടിലെത്തി. ഒരാഴ്ച മുമ്പാണ് ലീല തിരിച്ചെത്തിയത്.
ഇന്നലെ വൈകുന്നേരം വീട്ടിൽ വച്ചുണ്ടായ തർക്കത്തിനൊടുവിൽ അടുക്കളയിൽ വച്ച് അരിവാൾ ഉപയോഗിച്ച് കഴുത്തിന് വെട്ടുകയായിരുന്നു എന്ന് ജോയി പോലീസിനോടു പറഞ്ഞു.