നാലാംഘട്ടം കഴിഞ്ഞതോടെ ബിജെപി 270 സീറ്റിൽ വിജയം ഉറപ്പിച്ചു: അമിത് ഷാ
Sunday, May 19, 2024 6:37 PM IST
ഭുവനേശ്വർ: ലോക്സഭാ തെരഞ്ഞെടുപ്പിൽ ബിജെപി സർക്കാർ വീണ്ടും ഭരണത്തിലെത്തുമെന്ന് ആത്മവിശ്വാസം പ്രകടിപ്പിച്ച് കേന്ദ്ര ആഭ്യന്തര മന്ത്രി അമിത് ഷാ. നാലാംഘട്ട തെരഞ്ഞെടുപ്പ് കഴിഞ്ഞതോടെ ബിജെപി 270 സീറ്റിൽ വിജയം ഉറപ്പിച്ചെന്ന് അമിത് ഷാ പറഞ്ഞു.
ഒഡീഷയിലെ റൂർക്കേലയിൽ നടന്ന തെരഞ്ഞെടുപ്പ് റാലിയിൽ പ്രസംഗിക്കുകയായിരുന്നു കേന്ദ്ര ആഭ്യന്തര മന്ത്രി. ബിജെപി നാനൂറ് സീറ്റിലേക്ക് കുതിക്കുകയാണെന്നും രാഹുൽ ഗാന്ധിക്ക് 40 സീറ്റ് പോലും കിട്ടില്ല.
ഒഡീഷയിൽ 15 ലോക്സഭാ സീറ്റുകളിലും 75 നിയമസഭാ സീറ്റുകളിലും ബിജെപി വിജയിക്കുമെന്നും ഒഡീഷയിൽ ബി ജെപിയുടെ നേതൃത്വത്തിലുള്ള ആദ്യ സർക്കാർ രൂപീകരിക്കുമെന്നും അമിത്ഷാ പറഞ്ഞു.