പ്രധാനമന്ത്രി ഇന്ന് കേരളത്തിൽ
Sunday, April 14, 2024 7:57 AM IST
കൊച്ചി: ലോക്സഭാ തെരഞ്ഞെടുപ്പ് പ്രവര്ത്തനങ്ങളുടെ ഭാഗമായി പ്രധാനമന്ത്രി നരേന്ദ്ര മോദി ഇന്ന് കൊച്ചിയിലെത്തും.
ആലത്തൂര്, ആറ്റിങ്ങല് മണ്ഡലങ്ങളിലെ തെരഞ്ഞെടുപ്പുയോഗങ്ങളില് മോദി പങ്കെടുക്കും. രാത്രി 8.30ന് നെടുമ്പാശേരി വിമാനത്താവളത്തിലെത്തുന്ന അദ്ദേഹം ഹെലികോപ്റ്ററില് നാവിക വിമാനത്താവളത്തിലെത്തി റോഡ് മാര്ഗം എറണാകുളം ഗവ. ഗസ്റ്റ് ഹൗസില് എത്തും.
രാത്രി ഗസ്റ്റ് ഹൗസില് താമസിക്കുന്ന പ്രധാനമന്ത്രി തിങ്കളാഴ്ച രാവിലെ തൃശൂരിലേക്കു പോകും. അവിടെ ആലത്തൂര് ലോക്സഭാ മണ്ഡലത്തില് ഉള്പ്പെടുന്ന കുന്നംകുളം ചെറുവട്ടാനിയില് തെരഞ്ഞെടുപ്പു റാലിയെ അഭിസംബോധന ചെയ്യും.
തുടര്ന്ന് ആറ്റിങ്ങലിലെത്തുന്ന അദ്ദേഹം കാട്ടാക്കട ക്രിസ്ത്യന് കോളജ് ഗ്രൗണ്ടില് നടക്കുന്ന പൊതുയോഗത്തില് പങ്കെടുക്കും. തിരികെ കൊച്ചിയിലെത്തുന്ന അദ്ദേഹം ഉച്ചയ്ക്ക് 12.50ന് ഡല്ഹിയിലേക്കു മടങ്ങും.