യുവാവിനെ കുത്തി പരിക്കേൽപ്പിച്ച പ്രതികൾ പിടിയിൽ
Friday, April 12, 2024 9:46 PM IST
ആലപ്പുഴ: ക്ഷേത്രോത്സവത്തിനിടെയുണ്ടായ വാക്കുതർക്കത്തെത്തുടർന്ന് യുവാവിനെ കുത്തി പരിക്കേൽപ്പിച്ച രണ്ട് യുവാക്കളെ പോലീസ് അറസ്റ്റു ചെയ്തു. പഴവീട് ചക്കുപറമ്പിൽ അനന്ദു (25), ആലപ്പുഴ മുല്ലാത്തു വളപ്പ് ഓമന ഭവനിൽ രാഹുൽ ബാബു (26) എന്നിവരാണ് പിടിയിലായത്.
ക്ഷേത്രോത്സവത്തിനിടെ പടയണിയിൽ തുള്ളിയതിനെത്തുടർന്ന് ഇവർ വാക്കുതർക്കത്തിലേർപ്പെടുകയായിരുന്നു. ശേഷം ഇവർ യുവാവിനെ കുത്തി പരിക്കേൽപ്പിക്കുകയായിരുന്നു.
സംഭവത്തിനു ശേഷം ഒളിവിൽക്കഴിയുന്നതിനിടെയാണ് പ്രതികൾ പിടിയിലായത്. പിടിയിലായ അനന്ദു മയക്കുമരുന്ന് ഉൾപ്പെടെ നിരവധി കേസുകളിലും കാപ്പ പ്രകാരം ജയിൽ ശിക്ഷയും അനുഭവിച്ചിട്ടുള്ള ആളാണ്.