സുരേഷ് ഗോപിക്ക് പിന്തുണ പ്രഖ്യാപിച്ചെന്ന പ്രചാരണം വാസ്തവ വിരുദ്ധം: തൃശൂർ മേയർ
Friday, April 12, 2024 5:43 PM IST
തൃശൂർ: ബിജെപി സ്ഥാനാർഥി സുരേഷ് ഗോപിക്ക് പിന്തുണ പ്രഖ്യാപിച്ചെന്ന പ്രചാരണം വാസ്തവ വിരുദ്ധമാണെന്ന് തൃശൂർ മേയർ എം.കെ. വർഗീസ്. എപ്പോഴും എൽഡിഎഫിനൊപ്പമാണന്നും അദ്ദേഹം പറഞ്ഞു.
തനിക്കെതിരെ നടക്കുന്ന പ്രചാരണം വാസ്തവവിരുദ്ധമാണ്. ഇടതുപക്ഷത്തിന് ദോഷമാകുന്ന ഒന്നും താൻ ചെയ്യില്ല. വികസനത്തിന് സാമ്പത്തികം ആരുതന്നാലും സ്വീകരിക്കുമെന്നും മേയർ വ്യക്തമാക്കി.
തൃശൂര് കോര്പ്പറേഷനില് വോട്ട് തേടുന്നതിനിടെയാണ് സുരേഷ് ഗോപി മേയറുടെ ചേംബറിലെത്തിയത്. തുടർന്ന് പുരോഗതിയുടെ കൂടെയാണ് താനെന്നും സുരേഷ് ഗോപി നല്ലയാളെന്നും മേയർ പറഞ്ഞിരുന്നു.