കോതമംഗലത്തെ പ്രതിഷേധം: മൃതദേഹത്തോട് അനാദരവ് കാണിച്ചത് പോലീസെന്ന് സതീശന്
Tuesday, March 5, 2024 11:53 AM IST
കൊച്ചി: കാട്ടാന വയോധികയുടെ ജീവനെടുത്ത സംംഭവത്തില് കോതമംഗലത്ത് നടന്നത് സ്വാഭാവികമായ പ്രതിഷേധമെന്ന് പ്രതിപക്ഷ നേതാവ് വി.ഡി.സതീശന്. മൃതദേഹത്തോട് അനാദരവ് കാണിച്ചത് പോലീസാണെന്നും സതീശന് വിമര്ശിച്ചു.
മൃതദേഹം റോഡിലൂടെ വലിച്ചിഴച്ച് ആംബുലന്സില് കയറ്റിക്കൊണ്ടുപോകുകയായിരുന്നു. കിരാതമായ നടപടിയാണ് പോലീസിന്റെ ഭാഗത്തുനിന്ന് ഉണ്ടായത്.
മാസപ്പടിയില്നിന്നും സിദ്ധാര്ഥന്റെ മരണത്തിൽനിന്നും ശ്രദ്ധ തിരിക്കാനാണ് കോതമംഗലത്ത് പ്രതിഷേധിച്ച ഡിസിസി പ്രസിഡന്റ് മുഹമ്മദ് ഷിയാസിനെയും മാത്യു കുഴല്നാടന് എംഎല്എയേയും അറസ്റ്റ് ചെയ്തതെന്നും സതീശന് വിമര്ശിച്ചു. കൊലപാതക കേസിലെ പ്രതികളെ അറസ്റ്റ് ചെയ്തതുപോലെയാണ് സമരപന്തലിലെത്തി ഇവരെ പിടികൂടിയത്.
ഡിസിസി പ്രസിഡന്റിനെ ഒന്നരമണിക്കൂര് ജീപ്പില് കറക്കിയത് എന്തിനാണെ് പോലീസ് വ്യക്തമാക്കണം. പൊലീസിനെ വിട്ട് പേടിപ്പിച്ച് പ്രതിഷേധം അവസാനിപ്പിക്കാമെന്ന് മുഖ്യമന്ത്രി കരുതിയോ എന്നും സതീശന് ചോദിച്ചു. മാത്യു കുഴല്നാടനോട് വ്യക്തിപരമായ വിരോധം തീര്ക്കാന് കിട്ടുന്ന ഒരവസരവും മുഖ്യമന്ത്രി കളയില്ലെന്നും സതീശന് ആരോപിച്ചു.