അതിരപ്പിള്ളിയില് കാട്ടാന വീട് തകര്ത്തു
Tuesday, March 5, 2024 10:49 AM IST
തൃശൂര്: അതിരപ്പിള്ളിയില് കാട്ടാന വീട് തകര്ത്തു. അതിരപ്പിള്ളി പ്ലാന്റേഷന് കോര്പറേഷന് വെല്ഫയര് ഓഫീസറുടെ വീടാണ് ആന തകര്ത്തത്.
തിങ്കളാഴ്ച രാത്രിയോടെയാണ് സംഭവം. വീടിനുള്ളില് കയറി ഫര്ണിച്ചറും വീട്ടുപകരണങ്ങളും ആന തകര്ത്തു. ഈ സമയത്ത് വീട്ടില് ആളില്ലാതിരുന്നതിനാല് വലിയ അപകടം ഒഴിവായി.
രാവിലെ സ്ഥലത്തെത്തിയ തൊഴിലാളികളാണ് കാട്ടാന വീട് ആക്രമിച്ച വിവരം അറിയുന്നത്. കഴിഞ്ഞ ദിവസം സമീപത്തെ മറ്റ് ക്വാട്ടേഴ്സുകള്ക്ക് നേരെയും കാട്ടാന ആക്രമണം ഉണ്ടായിരുന്നു.