കോണ്ഗ്രസ് നേതാക്കളുടെ അറസ്റ്റിൽ തിരുവനന്തപുരത്ത് പ്രതിഷേധം
Tuesday, March 5, 2024 12:59 AM IST
തിരുവനന്തപുരം: കോതമംഗലം ടൗണിൽനടന്ന പ്രതിഷേധത്തിൽ മാത്യു കുഴൽനാടൻ എംഎൽഎയും എറണാകുളം ഡിസിസി പ്രസിഡന്റ് മുഹമ്മദ് ഷിയാസിന്റെയും അറസ്റ്റിനെതിരെ തിരുവനന്തപുരത്ത് സെക്രട്ടറിയേറ്റിനു മുന്നിൽ നിരാഹാര സത്യാഗ്രഹം.
യൂത്ത് കോണ്ഗ്രസ് സംസ്ഥാന അധ്യക്ഷൻ രാഹുൽ മാങ്കുട്ടത്തിൽ, കെഎസ്യു സംസ്ഥാന പ്രസിഡന്റ് അലോഷ്യസ് സേവ്യവർ, മഹിള കോണ്ഗ്രസ് സംസ്ഥാന അധ്യക്ഷ ജെബി മേത്തർ എംപി എന്നിവരുടെ നേതൃത്വത്തിലാണ് സെക്രട്ടറിയേറ്റിനു മുന്നിലെ പ്രതിഷേധം.
അതിനിടെ കോണ്ഗ്രസ് പ്രവർത്തർ മുഖ്യമന്ത്രി പിണറായി വിജയന്റെ മുഖാമുഖം പരിപാടിയുടെ ഫ്ളക്സ് കീറിയത് സംഘർഷത്തിലേക്ക് നയിച്ചു. പോലീസും കോണ്ഗ്രസ് പ്രവർത്തകരും തമ്മിലാണ് സംഘർഷമുണ്ടായത്.
പ്രതിപക്ഷ നേതാവ് വി.ഡി. സതീശൻ സ്ഥലത്തെത്തി പ്രവർത്തകർക്കു പിന്തുണ നൽകി.