സിദ്ധാര്ഥന്റെ മരണം സിബിഐ അന്വേഷിക്കണം: വി.എം.സുധീരന്
Monday, March 4, 2024 8:40 PM IST
തിരുവനന്തപുരം: പൂക്കോട് വെറ്ററിനറി കോളജിലെ വിദ്യാർഥി സിദ്ധാര്ഥന്റെ മരണം സിബിഐ അന്വേഷിക്കണമെന്ന് കോൺഗ്രസ് നേതാവ് വി.എം.സുധീരന്.
സിദ്ധാര്ഥനെ മർദിച്ച് കൊലപ്പെടുത്തിയതാണെന്നും കുടുംബവും ജനങ്ങളും സജീവമായി ഇടപെട്ടത് മൂലമാണ് പോലീസ് അന്വേഷണം ആരംഭിച്ചതെന്നും സുധീരന് പറഞ്ഞു.
പോലീസിന് മേല് രാഷ്ട്രീയ സമ്മര്ദ്ദം ഉണ്ട്. അതുകൊണ്ട് കേസ് സിബിഐ അന്വേഷിക്കണം. കോടതിയുടെ മേല് നോട്ടത്തിലാവണം അന്വേഷണമെന്നും സുധീരന് കൂട്ടിച്ചേര്ത്തു.