യുവാവിന്റെ മൃതദേഹം റെയിൽവേ ട്രാക്കിൽ
Monday, March 4, 2024 8:27 PM IST
കോട്ടയം: ട്രെയിനിൽ നിന്ന് വീണ് മരിച്ച നിലയിൽ അതിഥി തൊഴിലാളിയുടെ മൃതദേഹം കണ്ടെത്തി. പശ്ചിമ ബംഗാൾ സ്വദേശി മുസാഫിർ റഹ്മാന്റെ മൃതദേഹമാണ് ഇന്ന് പുലർച്ചെ കോട്ടയം സംക്രാന്തിയിൽ കണ്ടെത്തിയത്.
പശ്ചിമ ബംഗാളിൽ നിന്നും കേരളത്തിലേക്ക് ജോലി അന്വേഷിച്ച് എത്തുന്നതിനിടെയാണ് അപകടമുണ്ടായത്. ട്രെയിന്റെ വാതിലിന് സമീപം യാത്ര ചെയ്യുമ്പോൾ കാൽ തെറ്റി വീണതാകാമെന്നാണ് പ്രാഥമിക നിഗമനം.
മൃതദേഹം റെയിൽട്രാക്കിന് സമീപത്ത് വീണ് കിടക്കുന്ന നിലയിലായിരുന്നു. മൃതദേഹം കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി. ഗാന്ധിനഗർ പോലീസും, ആർപിഎഫും തുടർ നടപടികൾ സ്വീകരിച്ചു.