തൃശൂരിലേത് യുദ്ധമല്ല പോരാട്ടം; സുരേഷ് ഗോപി
Monday, March 4, 2024 8:01 PM IST
തൃശൂർ: സ്ഥാനാർഥി പ്രഖ്യാപനത്തിനുശേഷം സുരേഷ് ഗോപി തൃശൂരിലെത്തി. മണ്ഡലത്തിലെത്തിയ സ്ഥാനാർഥിയെ ബിജെപി പ്രവർത്തകർ ചേർന്ന് തൃശൂർ റെയിൽവേ സ്റ്റേഷനിൽ സ്വീകരിച്ചു.
തൃശൂരിലേത് യുദ്ധമല്ല പോരാട്ടമാണെന്ന് അദ്ദേഹം പറഞ്ഞു. പ്രവർത്തകരുടെ സ്വീകരണം ആവേശകരമാണ്. തൃശൂരിൽ വിജയപ്രതീക്ഷയുണ്ടെന്നും സുരേഷ് ഗോപി വ്യക്തമാക്കി.
റെയിൽവേ സ്റ്റേഷനിൽനിന്ന് ബൈക്ക് റാലിയുമായി പ്രവർത്തകർ സുരേഷ് ഗോപിയെ സ്വരാജ് റൗണ്ടിലെത്തിച്ചു. തുടർന്ന് നഗരത്തിൽ റോഡ്ഷോയും സംഘടിപ്പിച്ചു. ചൊവ്വാഴ്ചമുതൽ വിവിധയിടങ്ങളിലായി റോഡ്ഷോയോടെ പ്രചരണം ആരംഭിക്കാനാണ് തീരുമാനം.