സ്കൂട്ടർ ഓടയിലേക്കു മറിഞ്ഞു യുവാവ് മരിച്ചു
Monday, March 4, 2024 4:36 PM IST
കൂത്തുപറമ്പ്: നിയന്ത്രണം വിട്ട സ്കൂട്ടർ റോഡരികിലെ ഓടയിലേക്കു മറിഞ്ഞു യുവാവിനു ദാരുണാന്ത്യം. പുലർച്ചെ അഞ്ചോടെ കൈതേരി പാലത്തായിരുന്നു അപകടം.
മുഴപ്പിലങ്ങാട് പള്ളിക്കൽ ഹൗസിൽ അർഷാദ് (21) ആണ് മരിച്ചത്. സഹയാത്രികൻ തലശേരി സെയ്ദാർ പള്ളിയിലെ നിസാമിനു നിസാര പരിക്കേറ്റു.
നെടുംപൊയിൽ ഭാഗത്തുനിന്നു വരികയായിരുന്ന സ്കൂട്ടർ ആണ് അപകടത്തിൽപ്പെട്ടത്. റോഡിലെ വളവിൽ നിന്നു നിയന്ത്രണംവിട്ടു മറിയുകയായിരുന്നു. പരിക്കേറ്റ അർഷാദിനെ ഉടൻ കൂത്തുപറമ്പ് താലൂക്ക് ആശുപത്രിയിൽ എത്തിച്ചെങ്കിലും മരിച്ചു.