കൊയിലാണ്ടിയില് എസ്എഫ്ഐക്കാര് വിദ്യാര്ഥിയെ മര്ദിച്ച സംഭവം; പ്രിന്സിപ്പലിനെ ഉപരോധിച്ച് കെഎസ്യു
Monday, March 4, 2024 1:29 PM IST
കോഴിക്കോട്: കൊയിലാണ്ടിയിലെ ആര്.ശങ്കര് മെമ്മോറിയല് എസ്എന്ഡിപി കോളജിൽ എസ്എഫ്ഐക്കാര് വിദ്യാര്ഥിയെ മര്ദിച്ച സംഭവത്തില് പ്രിന്സിപ്പലിനെ ഉപരോധിച്ച് കെഎസ്യു. കേസില് ഉള്പ്പെട്ട എസ്എഫ്ഐ പ്രവര്ത്തകരെ പുറത്താക്കണമെന്ന് ആവശ്യപ്പെട്ടാണ് പ്രതിഷേധം.
മർദനത്തിനിരയായ അമൽ ഇന്ന് പ്രിൻസിപ്പലിന് പരാതി നൽകി. ഇതിന് പിന്നാലെ എസ്എഫ്ഐ യൂണിറ്റ് സെക്രട്ടറിയായ അനുനാഥും അമലിനെതിരേ പ്രിൻസിപ്പലിന് പരാതി നൽകിയിട്ടുണ്ട്. എന്നാൽ ഇത് വ്യാജപരാതിയാണെന്നും പ്രിന്സിപ്പല് ഇതിന് കൂട്ടുനില്ക്കുകയാണെന്നും കെഎസ്യു ആരോപിച്ചു.
കഴിഞ്ഞ വെള്ളിയാഴ്ചയാണ് അമലിന് മർദനമേറ്റത്. സംഭവത്തിൽ ഇരുപതിൽ അധികം പേർക്കെതിരേ പോലീസ് കേസെടുത്തിരുന്നു. കോളജ് യൂണിയൻ ചെയർമാനെയും എസ്എഫ്ഐ യൂണിറ്റ് സെക്രട്ടറിയെയും കേസിൽ പ്രതി ചേർത്തിട്ടുണ്ട്.