പൂക്കോട് കാമ്പസില് എസ്എഫ്ഐ അക്രമം പതിവ്, സിസിടിവി എടുത്ത് കളഞ്ഞു: മുന് പിടിഎ പ്രസിഡന്റ്
Monday, March 4, 2024 9:49 AM IST
തിരുവനന്തപുരം: പൂക്കോട് വെറ്റിനറി കോളജ് വിദ്യാര്ഥി സിദ്ധാര്ഥന്റെ മരണത്തിന് പിന്നാലെ കാമ്പസിലെ എസ്എഫ്ഐ അക്രത്തെക്കുറിച്ച് വെളിപ്പെടുത്തലുമായി മുന് പിടിഎ പ്രസിഡന്റ് കുഞ്ഞാമു. കാമ്പസിലും ഹോസ്റ്റലിലും എസ്എഫ്ഐ അക്രമം പതിവായിരുന്നെന്ന് കുഞ്ഞാമു പ്രതികരിച്ചു.
ഇത് നിയന്ത്രിക്കാന് സിസിടിവി സ്ഥാപിച്ചെങ്കിലും എസ്എഫ്ഐ നേതാക്കള് അത് എടുത്ത് കളഞ്ഞുകളഞ്ഞു. ജൂനിയര് വിദ്യാര്ഥികളെ നിയന്ത്രിക്കുന്നത് എസ്എഫ്ഐ നേതാക്കളാണ്.
ജൂനിയര് വിദ്യാര്ഥികളുടെ മുറിയില് നിര്ബന്ധിച്ച് ചെഗുവേരയുടെയും ലെനിന്റെയും ചിത്രങ്ങള് സ്ഥാപിച്ചിരുന്നു. ഹോസ്റ്റലില് ഇടിമുറി ഉണ്ടായിരുന്നുവെന്നും ഇദ്ദേഹം വെളിപ്പെടുത്തി.