സിദ്ധാർഥന്റെ മരണം; മാപ്പപേക്ഷയുമായി എസ്എഫ്ഐ
Monday, March 4, 2024 5:54 AM IST
തിരുവനന്തപുരം: പൂക്കോട് വെറ്ററിനറി സര്വകലാശാല വിദ്യാര്ഥി സിദ്ധാര്ഥന്റെ മരണത്തില് മാപ്പ് അപേക്ഷിച്ച് എസ്എഫ്ഐ. എസ്എഫ്ഐ സംസ്ഥാന ജോയിന്റ് സെക്രട്ടറി ഇ.അഫ്സലാണ് സിദ്ധാർഥന്റെ കുടുംബത്തോട് മാപ്പുചോദിച്ചത്.
സിദ്ധാര്ഥന്റെ മരണത്തില് കുടുംബത്തിന് മുന്നില് തലകുനിക്കുകയാണ്. ഇക്കാര്യത്തില് ആത്മപരിശോധന നടത്തും. സംഘടന തെറ്റ് സമ്മതിക്കുന്നു. കുടുംബത്തോട് മാപ്പുചോദിക്കുകയാണെന്നും എസ്എഫ്ഐ നേതാവ് പറഞ്ഞു.
ഞങ്ങളില്പ്പെട്ടവര് ചെയ്യാൻ പാടില്ലാത്ത കാര്യം ചെയ്തു. അത് ഞങ്ങളുടെ സംഘടനയുടെ പോരായ്മയാണ്. സംഘടനയില് വെച്ചുപൊറുപ്പിക്കാൻ കഴിയാത്ത കാര്യമാണിത്. ഈ സംഭവം ഒരിക്കലും അംഗീകരിക്കാൻ കഴിയില്ലെന്നും അഫ്സൽ പറഞ്ഞു.