കൊല്ലത്ത് വീട്ടമ്മയെ വീട് കയറി തലയ്ക്കടിച്ചു; അയൽവാസി പോലീസ് പിടിയിൽ
Saturday, March 2, 2024 11:07 PM IST
കൊല്ലം: ചാത്തന്നൂരിൽ അയല്വാസിയായ വീട്ടമ്മയെ തലക്കടിച്ച് പരിക്കേല്പ്പിച്ചയാള് പോലീസ് പിടിയില്. ചാത്തന്നൂര് ഇടനാട് മണിമന്ദിരത്തില് ശിവന്കുട്ടി മകന് ബിജുകുമാര്(50) ആണ് പിടിയിലായത്.
ഫെബ്രുവരി 29നായിരുന്നു സംഭവം. സമീപവാസിയായ സ്ത്രീയുടെ മകനുമായുള്ള മുന്വിരോധത്താല് ബിജുകുമാർ ഇവരുടെ വീട്ടില് കയറി അസഭ്യം പറയുകയും ജനല്ചില്ലുകള് അടിച്ച് തകര്ക്കുകയുമായിരുന്നു.
അയൽവാസി അതിക്രമിച്ച് കയറി വീട് തകർക്കുന്നത് കണ്ട് തടയാനെത്തിയ വീട്ടമ്മയെ പ്രതി കൈയില് കരുതിയിരുന്ന പട്ടിക കഷ്ണം കൊണ്ട് തലക്കടിച്ച് പരിക്കേല്പ്പികുയായിരുന്നു.