വെറ്റിനറി സര്വകലാശാല വിസിയുടെ സസ്പെന്ഷന്; പകരം ചുമതല ഡോ.പി.സി.ശശീന്ദ്രനാഥന്
Saturday, March 2, 2024 3:22 PM IST
തിരുവനന്തപുരം: പൂക്കോട് വെറ്റിനറി സര്വകലാശാല വിസിയുടെ ചുമതല ഡോ.പി.സി.ശശീന്ദ്രനാഥന്. സര്വകലാശാലയിലെ റിട്ടയേര്ഡ് പ്രഫസറാണ് ഇദ്ദേഹം.
വിസി എം.ആര്.ശശീന്ദ്രനാഥനെ സസ്പെൻഡ് ചെയ്തതിന് പിന്നാലെ പകരം ചുമതല ഇദ്ദേഹത്തിന് നൽകിക്കൊണ്ടുള്ള ചാന്സിലര് ആരിഫ് മുഹമ്മദ് ഖാന്റെ ഉത്തരവിറങ്ങി. പൂക്കോട് വെറ്ററിനറി സര്വകലാശാലയിലെ വിദ്യാർഥി സിദ്ധാര്ഥന്റെ മരണത്തെ തുടർന്നാണ് ഗവര്ണര് വിസിയെ സസ്പെൻഡ് ചെയ്തത്. സിദ്ധാര്ഥന്റെ മരണത്തില് ജുഡീഷ്യല് അന്വേഷണം ആവശ്യപ്പെട്ട് ഹൈക്കോടതിയെ സമീപിച്ചിട്ടുണ്ടെന്നും ഗവര്ണര് അറിയിച്ചിരുന്നു.
കാമ്പസില്വച്ച് വിദ്യാര്ഥി മൂന്ന് ദിവസം ക്രൂരമായി പീഡിപ്പിക്കപ്പെട്ടിട്ടും സര്വകലാശാല അധികൃതര് ഇതറിഞ്ഞില്ലെന്ന് പറയുന്നത് ഗുരുതരമായ വീഴ്ചയാണ്. ഇതൊരു കൊലപാതകം തന്നെയാണെന്നും സംഭവത്തിന്റെ ഉത്തരവാദിത്വത്തില്നിന്ന് സര്വകലാശാലയ്ക്ക് ഒഴിഞ്ഞ് മാറാന് കഴിയില്ലെന്നും ഗവർണർ പ്രതികരിച്ചിരുന്നു.