സിദ്ധാര്ഥന്റെ മരണം; സര്വകലാശാലയിലേക്കുള്ള കോണ്ഗ്രസ് മാര്ച്ചില് സംഘര്ഷം
Saturday, March 2, 2024 11:49 AM IST
വയനാട്: സിദ്ധാര്ഥൻ കേസിലെ പ്രതികളെ സംരക്ഷിക്കാന് പോലീസും സിപിഎമ്മും ശ്രമിക്കുന്നെന്ന് ആരോപിച്ച് പൂക്കോട് വെറ്ററിനറി സര്വകലാശാലയിലേക്ക് കോണ്ഗ്രസ് നടത്തിയ പ്രതിഷേധ മാര്ച്ചില് സംഘര്ഷം. പോലീസും പ്രതിഷേധക്കാരും തമ്മില് ഉന്തും തള്ളുമുണ്ടായി.
പ്രവേശനകവാടത്തില് വച്ച് പോലീസ് ബാരിക്കേഡ് ഉപയോഗിച്ച് മാര്ച്ച് തടഞ്ഞു. പ്രവര്ത്തകര് ബാരിക്കേഡ് മറികടക്കാന് ശ്രമിച്ചതോടെയാണ് ഇരുകൂട്ടരും തമ്മില് വാക്കേറ്റവും ഉന്തും തള്ളുമുണ്ടായത്.
ചില പ്രവര്ത്തകര് സെക്യൂരിറ്റി റൂമിന്റെ മുകളില് കയറിയും പ്രതിഷേധിച്ചു. ഇവരെ ഇവിടെനിന്ന് താഴെയിറക്കാന് പോലീസ് ശ്രമിക്കുന്നുണ്ടെങ്കിലും പ്രതിഷേധക്കാര് വഴങ്ങുന്നില്ല. പോലീസിന് നേരേ മുദ്രാവാക്യം വിളിച്ച് പ്രവര്ത്തകര് പ്രതിഷേധം തുടരുകയാണ്.