""എസ്എഫ്ഐ കൊന്നതാണ്''; സിദ്ധാര്ഥന്റെ വീടിന് മുന്നില് പുതിയ ബോര്ഡ് സ്ഥാപിച്ച് കെഎസ്യു
Saturday, March 2, 2024 9:56 AM IST
തിരുവനന്തപുരം: പൂക്കോട് വെറ്ററിനറി സര്വകലാശാലയിലെ വിദ്യാർഥി സിദ്ധാര്ഥന്റെ വീടിന് മുന്നില് പുതിയ ബോര്ഡ് സ്ഥാപിച്ച് കെഎസ്യു. സിദ്ധാര്ഥനെ എസ്എഫ്ഐ കൊന്നതാണ് എന്നെഴുതിയ ബോര്ഡാണ് സ്ഥാപിച്ചത്.
നേരത്തേ സിദ്ധാര്ഥനെ എസ്എഫ്ഐ പ്രവര്ത്തകന് എന്ന് വിശേഷിപ്പിക്കുന്ന ബോര്ഡ് സിപിഎം ഇവിടെ സ്ഥാപിച്ചിരുന്നെങ്കിലും പിന്നീട് അവര് തന്നെ അത് മാറ്റിയിരുന്നു. ഇതിന് പിന്നാലെയാണ് കെഎസ്യു പുതിയ ബോര്ഡ് സ്ഥാപിച്ചത്.
എസ്എഫ്ഐ പ്രവര്ത്തകനായ സിദ്ധാര്ഥന്റെ മരണത്തിന് പിന്നില് പ്രവര്ത്തിച്ചവരെ അറസ്റ്റ് ചെയ്യുക എന്നെഴുതിയ ബോര്ഡാണ് വിദ്യാര്ഥിയുടെ മരണത്തിന് പിന്നാലെ ഇവിടെ സ്ഥാപിച്ചിരുന്നത്. സിപിഎം,ഡിവൈഎഫ്ഐ ബ്രാഞ്ച് കമ്മിറ്റികളുടെ പേരിലായിരുന്നു ബോര്ഡ്. എന്നാല് സിദ്ധാര്ഥന്റെ മരണത്തില് എസ്എഫ്ഐ പ്രവര്ത്തകര് അറസ്റ്റിലായതോടെ ഇതിനെതിരേ വിദ്യാര്ഥിയുടെ കുടുംബാംഗങ്ങള് രംഗത്തുവന്നിരുന്നു.
ബോര്ഡിലുണ്ടായിരുന്ന കാര്യങ്ങള് അടിസ്ഥാനരഹിതമാണെന്നും സിദ്ധാര്ഥ് എസ്എഫ്ഐ പ്രവര്ത്തകനല്ലെന്നും ഇവര് വ്യക്തമാക്കിയിരുന്നു. ഇതിന് പിന്നാലെയാണ് സിപിഎം തന്നെ ബോര്ഡ് ഇവിടെനിന്ന് മാറ്റിയത്.