ബേക്കറിയിൽ തീപിടിത്തം; ഫയർഫോഴ്സ് ജീവനക്കാരന് പരിക്ക്
Friday, March 1, 2024 11:46 PM IST
ആലപ്പുഴ: ബേക്കറിയിലുണ്ടായ തീപിടിത്തം അണയ്ക്കാനുള്ള ശ്രമത്തിനിടെ ഫയർഫോഴ്സ് ജീവനക്കാരന് പരിക്കേറ്റു.
വെള്ളിയാഴ്ച വൈകുന്നേരം 3.45 ന് ഇരുമ്പുപാലത്തിനു സമീപം പ്രവർത്തിക്കുന്ന ബേക്കേഴ്സ് ആൻഡ് കാറ്ററിംഗ് യൂണിറ്റിൽ തീപിടിത്തം ഉണ്ടായത്.
ആലപ്പുഴയിൽ നിന്നെത്തിയ ഫയർഫോഴ്സ് യൂണിറ്റ് തീ അണയ്ക്കുന്നതിനിടെ ഫയർമാൻ അമർജിത്ത് (36) വീണ് പരിക്കേൽക്കുകയായിരുന്നു. പരിക്കേറ്റ അമർജിത്ത് ജനറൽ ആശുപത്രിയിൽ ചികിത്സ തേടി.