സിദ്ധാര്ഥനെ ആക്രമിച്ച വിദ്യാര്ഥികള്ക്ക് പഠനവിലക്ക്
Friday, March 1, 2024 11:32 PM IST
വയനാട്: പൂക്കോട് വെറ്ററിനറി സര്വകലാശാലയിൽ മർദനമേറ്റ വിദ്യാർഥി മരിച്ച സംഭവത്തിൽ കടുത്ത നടപടിയുമായി സര്വകലാശാല. സിദ്ധാര്ഥനെ ആക്രമിച്ച 19 വിദ്യാര്ഥികള്ക്ക് മൂന്നു വര്ഷത്തെ പഠന വിലക്ക് ഏര്പ്പെടുത്തി.
പൂക്കോട് വെറ്ററിനറി കോളജ് ആന്റി റാഗിംഗ് കമ്മിറ്റിയുടെതാണ് തീരുമാനം. രാജ്യത്തെ അംഗീകൃത സ്ഥാപനങ്ങളില് ഇവര്ക്ക് പഠനം സാധ്യമാകില്ലെന്ന് സര്വകലാശാല അധികൃതർ പറഞ്ഞു.
സിദ്ധാർഥന്റെ മരണത്തിൽ കുറ്റക്കാരായ മുഴുവൻ എസ്എഫ്ഐക്കാരെയും പിടികൂടണമെന്ന് ആവശ്യപ്പെട്ട് കെഎസ്യു സെക്രട്ടേറിയറ്റിലേക്ക് മാർച്ച് നടത്തി.
വെറ്ററിനറി കോളജിലേക്ക് പ്രതിഷേധവുമായി ബിജെപിയും യൂത്ത് കോൺഗ്രസും മാർച്ച് നടത്തി. കഴിഞ്ഞ പതിനെട്ടിനാണ് സിദ്ധാർഥനെ ഹോസ്റ്റലിലെ ശുചിമുറിയിൽ ആത്മഹത്യ ചെയ്ത നിലയിൽ കണ്ടെത്തിയത്.