പുകയില ഉത്പന്നങ്ങളുമായി യുവാവ് അറസ്റ്റിൽ
Friday, March 1, 2024 10:05 PM IST
ആലപ്പുഴ: വിൽപ്പനയ്ക്കായി സൂക്ഷിച്ചിരുന്ന പുകയില ഉത്പന്നങ്ങളുമായി യുവാവിനെ എക്സൈസ് അറസ്റ്റ് ചെയ്തു.
ആലപ്പുഴ മുല്ലാത്ത് വളപ്പിൽ വീട്ടിൽ ഷിബു ആണ് പിടിയിലായത്. ഇയാളിൽ നിന്ന് 40 കിലോയോളം പുകയില ഉത്പന്നങ്ങൾ പിടിച്ചെടുത്തെന്ന് എക്സൈസ് സംഘം പറഞ്ഞു.
ആലപ്പുഴ എക്സൈസ് റേഞ്ച് ഇൻസ്പെക്ടർ എം.ആർ. മനോജിന്റെ നേതൃത്വത്തിൽ നടത്തിയ പരിശോധനയിലാണ് പുകയില ഉത്പന്നങ്ങൾ പിടിച്ചെടുത്തത്. പ്രതിയെ കോടതിയിൽ ഹാജരാക്കി.