വസ്ത്രസ്ഥാപനത്തിന്റെ ഉടമ കടയ്ക്കുള്ളിൽ ജീവനൊടുക്കിയ നിലയിൽ
Thursday, February 29, 2024 2:36 PM IST
ആലപ്പുഴ: സ്വന്തം വസ്ത്ര സ്ഥാപനത്തിനുള്ളിൽ യുവതിയെ ജീവനൊടുക്കിയ നിലയിൽ കണ്ടെത്തി. ചേർത്തല എക്സ്റേ കവലയ്ക്ക് സമീപം ലാദെല്ല എന്ന കടയുടെ ഉടമ രാജിയാണ് തൂങ്ങി മരിച്ചത്.
കുടുംബ വഴക്കിനെ തുടർന്ന് രാത്രി കടയിലെത്തിയ രാജി ജീവനൊടുക്കുകയായിരുന്നു. തണ്ണീർമുക്കം ഇരുപത്തൊന്നാം വാർഡിൽ റാം മഹേഷ് ആണ് ഇവരുടെ ഭർത്താവ്.
ഇവർ വീട്ടിലെത്താത്തിനെതുടര്ന്ന് ഭര്ത്താവ് മഹേഷ് നടത്തിയ തിരച്ചിലിലാണ് കടയ്ക്കുള്ളില് തൂങ്ങി മരിച്ച നിലയില് രാജിയെ കണ്ടെത്തിയത്. ഇന്ക്വസ്റ്റ് നടപടികള്ക്കുശേഷം മൃതദേഹം ആലപ്പുഴ മെഡിക്കൽ കോളജ് ആശുപത്രി മോർച്ചറിയിലേയ്ക്ക് മാറ്റി.
പോസ്റ്റ്മോര്ട്ടത്തിനുശേഷം മൃതദേഹം ബന്ധുക്കള്ക്ക് വിട്ടുനല്കും. ബംഗുളൂരുവിൽ വിദ്യാർഥിനിയായ മീര ഏക മകളാണ്.