സംസ്ഥാനത്ത് ഭരണാനുകൂല വികാരം; ക്ഷേമപെൻഷൻ മുടങ്ങിയത് തിരിച്ചടിയാവില്ല: എ. വിജയരാഘവൻ
Thursday, February 29, 2024 12:58 PM IST
പാലക്കാട്: സംസ്ഥാനത്ത് ഭരണവിരുദ്ധ വികാരമില്ലെന്ന് പാലക്കാട്ടെ എൽഡിഎഫ് സ്ഥാനാർഥി എ. വിജയരാഘവൻ. വളരെ നല്ല ഭരണാനുകൂല വികാരമാണുള്ളതെന്നും ഇടതുസർക്കാരിന്റെ നിലപാടുകൾക്ക് കേരളത്തിലും ദേശീയ തലത്തിലും സ്വീകാര്യതയുണ്ടെന്നും അദ്ദേഹം കൂട്ടിച്ചേർത്തു.
ക്ഷേമപെൻഷൻ മുടങ്ങിയതുൾപ്പെടെ ഒന്നും സംസ്ഥാന സർക്കാരിനെതിരായ ഭരണവിരുദ്ധ വികാരത്തിനിടയാക്കില്ലെന്നും വിജയരാഘവൻ പറഞ്ഞു.
പാലക്കാട് അത്യപൂർവ സന്ദർഭങ്ങളിലൊഴികെ എല്ലായ്പ്പോഴും ഇടതുപക്ഷത്തിനൊപ്പം നില്ക്കുന്ന പ്രദേശമാണ്. മണ്ഡലത്തിൽ ബിജെപിയുടെ സ്വാധീനം കുറഞ്ഞു. ബിജെപിക്ക് കേരളത്തിൽ സ്വാധീനം കുറയുന്ന തെരഞ്ഞെടുപ്പാകും ഇത്. കഴിഞ്ഞ തെരഞ്ഞെടുപ്പിൽ ലഭിച്ച വോട്ട് അവർക്ക് ഇത്തവണയുണ്ടാകില്ലെന്നും വിജയരാഘവൻ കൂട്ടിച്ചേർത്തു.