സിദ്ധാര്ഥന്റെ മരണം: പ്രധാന പ്രതി പിടിയില്
Thursday, February 29, 2024 11:35 AM IST
വയനാട്: പൂക്കോട് വെറ്റിനറി കോളജിലെ വിദ്യാര്ഥി സിദ്ധാര്ഥന് ജീവനൊടുക്കിയ സംഭവത്തിലെ പ്രധാന പ്രതികളില് ഒരാള് പിടിയില്. സുരക്ഷിതമായ ഒളിത്താവളത്തിലേക്ക് നീങ്ങുന്നതിനിടെ പാലക്കാട്ട് വച്ചാണ് ഇയാള് പിടിയിലായത്. ഇയാളുടെ പേര് വിവരങ്ങള് പോലീസ് പുറത്ത് വിട്ടില്ല.
ആദ്യം കേസില് പ്രതി ചേര്ക്കപ്പെട്ട 12 പേരില് ഒരാളാണ് പിടിയിലായതെന്നാണ് വിവരം. സിദ്ധാര്ഥ് റാംഗിംഗിന് ഇരയായെന്ന് വ്യക്തമായതോടെ 12 പേരെ കോളജിൽനിന്ന് സസ്പെന്ഡ് ചെയ്തിരുന്നു. ഇതിന് പിന്നാലെ ഇവര് ഒളിവില് പോകുകയായിരുന്നു.
കഴിഞ്ഞ 18ന് ഹോസ്റ്റലിലെ കുളിമുറിയിൽ തൂങ്ങിമരിച്ച നിലയിലാണ് സിദ്ധാർഥനെ കണ്ടെത്തിയത്. പോസ്റ്റ്മോർട്ടം റിപ്പോർട്ടിലാണ് ഇയാൾ ക്രൂരമർദനത്തിന് ഇരയായ വിവരം പുറത്തുവന്നത്.
ഫെബ്രുവരി 14ന് വാലന്റൈസ്ഡേ ദിനത്തിലാണ് സിദ്ധാർഥൻ ആക്രമണത്തിനിരയായത്. സീനിയർ വിദ്യാർഥികളോടൊപ്പം നൃത്തം ചെയ്തതിനായിരുന്നു മർദനം.
കേസിൽ ആകെ 18 പേരെയാണ് പ്രതി ചേർത്തിട്ടുള്ളത്. സംഭവത്തിൽ എസ്എഫ്ഐ നേതാവ് ഉൾപ്പെടെ ഏഴ് പേരാണ് ഇതുവരെ അറസ്റ്റിലായത്.