രാജീവ് ഗാന്ധി വധക്കേസ് പ്രതി ശാന്തന് മരിച്ചു
Wednesday, February 28, 2024 8:37 AM IST
ചെന്നൈ: രാജീവ് ഗാന്ധി വധക്കേസില് മോചിതനായ പ്രതികളിലൊരാളായ സുതേന്തിരരാജ എന്ന ശാന്തന് മരിച്ചു. രാവിലെ 7.30ന് ചെന്നൈയിലെ രാജീവ് ഗാന്ധി സര്ക്കാര് ജനറല് ആശുപത്രിയിലായിരുന്നു അന്ത്യം.
കരള് രോഗത്തെ തുടര്ന്ന് തീവ്രപരിചരണ വിഭാഗത്തിലായിരുന്നു. മരണം രോഗിയായ അമ്മയെ കാണാന് ശ്രീലങ്കയിലേക്ക് പോകാനിരിക്കെ. ശ്രീലങ്കയിലേക്ക് പോകാന് അനുമതി ലഭിച്ചിരുന്നെങ്കിലും ആരോഗ്യ പ്രശ്നങ്ങളെ തുടര്ന്ന് യാത്ര മുടങ്ങിയിരുന്നു.
രാജീവ് ഗാന്ധി വധക്കേസില് മോചിതനായ ശേഷം തൃച്ചി ശ്രീലങ്കന് തമിഴ് പുനരധിവാസ ക്യാമ്പില് കഴിയുകയായിരുന്നു ശാന്തന്.