ചെക്ക് തട്ടിപ്പ്: ബിജെപി നേതാവിനെതിരേ അറസ്റ്റ് വാറണ്ട്
Tuesday, February 27, 2024 8:43 PM IST
പറവൂർ: വണ്ടിചെക്ക് നൽകി വീട്ടമ്മയെ കബളിപ്പിച്ച കേസിൽ ബിജെപി നേതാവിനെതിരേ അറസ്റ്റ് വാറണ്ട്. നാഗ്പുർ രാംനഗറിൽ താമസിക്കുന്ന ഉദയഭാസ്കറിനെതിരേയാണ് പറവൂർ ജുഡീഷൽ ഫസ്റ്റ് ക്ലാസ് മജിസ്ട്രേട്ട് കോടതി അറസ്റ്റ് വാറണ്ട് പുറപ്പെടുവിച്ചത്.
വാറണ്ട് നാഗ്പൂരിലെ അമ്പാസെരി പോലീസ് സ്റ്റേഷൻ എസ്എച്ച്ഒയ്ക്ക് നൽകി. പാലക്കാട് സീറ്റിൽ പാർലമെന്റിലേക്കും നിയമസഭയിലേക്കും ബിജെപി സ്ഥാനാർഥിയായി മത്സരിച്ചിട്ടുണ്ട്. ചേന്ദമംഗലം പാലിയത്ത് രാജേന്ദ്രൻ കുട്ടന്റെ ഭാര്യ സീതാദേവി ആർ. കുട്ടൻ നൽകിയ പരാതിയിലാണ് അറസ്റ്റ് വാറണ്ട് പുറപ്പെടുവിച്ചത്
നാഗ്പുരിലെ മലയാളി വ്യവസായി കൂടിയായ ഉദയഭാസ്കർ 2013ൽ സീതാദേവി ആർ കുട്ടന്റെ പക്കൽ നിന്നു 10 ലക്ഷം രൂപ വാങ്ങിയിരുന്നു. പണം തിരികെ ആവശ്യപ്പെട്ടപ്പോൾ 10 ലക്ഷം രൂപയുടെ ചെക്ക് നൽകിയെങ്കിലും മടങ്ങിയതിനെത്തുടർന്നാണ് സീതാദേവി കോടതിയെ സമീപിച്ചത്.