ഷാൻ വധക്കേസ്; പ്രതികളുടെ ഹർജിയിൽ വിധി ഇന്ന്
Monday, February 26, 2024 7:27 AM IST
ആലപ്പുഴ: എസ്ഡിപിഐ നേതാവ് കെ.എസ്. ഷാൻ വധക്കേസിലെ പ്രതിഭാഗത്തിന്റെ ഹർജിയിൽ കോടതി ഇന്ന് വിധിപറയും. കുറ്റപത്രം മടക്കണമെന്നാണ് പ്രതികൾ ഹർജിയിൽ ആവശ്യപ്പെട്ടിട്ടുള്ളത്.
ക്രൈംബ്രാഞ്ച് സമർപ്പിച്ച കുറ്റപത്രം അംഗീകരിക്കരുതെന്നും പ്രതികൾ ആവശ്യപ്പെട്ടിട്ടുണ്ട്. ആലപ്പുഴ ജില്ലാ അഡീഷണൽ സെഷൻസ് കോടതിയാണ് ഹർജിയിൽ വിധി പറയുന്നത്. കേസിൽ 11 പ്രതികളും നിലവിൽ ജാമ്യത്തിലാണ്.
2021 ഡിസംബർ 18ന് രാത്രിയാണ് എസ്ഡിപിഐ നേതാവ് കൊല്ലപ്പെട്ടത്. വീട്ടിലേയ്ക്ക് പോകുന്നതിനിടെ കാറിലെത്തിയ സംഘം ഷാനിനെ വെട്ടിവീഴ്ത്തുകയായിരുന്നു. നാൽപ്പതിലധികം വെട്ടേറ്റ ഷാനിന്റെ കഴുത്തിലേറ്റ വെട്ടായിരുന്നു മരണകാരണം.