തിരിച്ചടിച്ചു; ബ്ലാസ്റ്റേഴ്സിന് മിന്നും വിജയം
Sunday, February 25, 2024 10:19 PM IST
കൊച്ചി: ഐഎസ്എല് ഫുട്ബോളിൽ കേരളാ ബ്ലാസ്റ്റേഴ്സിന് തകർപ്പൻ വിജയം. എഫ്സി ഗോവയോട് രണ്ട് ഗോളിന് പിന്നിട്ട് നിന്ന ശേഷം നാല് ഗോളടിച്ചാണ് കൊന്പൻമാർ തങ്ങളുടെ വിജയം ആഘോഷിച്ചത്.
ആദ്യ പകുതിയില് ഗോവന് ആക്രമണത്തിനു മുന്നിൽ പകച്ചു പോയങ്കിലും രണ്ടാം പകുതിയില് ബ്ലാസ്റ്റേഴ്സ് ആഞ്ഞടിച്ചതോടെ ഗോവൻ താരങ്ങൾ കാഴ്ചക്കാരായി നൽക്കുന്ന കാഴ്ചയാണ് കല്ലൂരിൽ കണ്ടത്.
ഏഴാം മിനുറ്റില് റൗളിന് ബോര്ജെസ് ബ്ലാസ്റ്റേഴ്സിനെ ഞെട്ടിച്ച് ഗോൾ നേടി. പത്തു മിനിറ്റുകള്ക്കകം മുഹമ്മദ് യാസിറിന്റെ ഫിനിഷിംഗിലൂടെ ഗോവയുടെ രണ്ടാം ഗോള് പിറന്നു.
തിരിച്ചടിക്കാന് ബ്ലാസ്റ്റേഴ്സ് ശ്രമങ്ങള് നടത്തിയെങ്കിലും ആദ്യപകുതി ഗോവയുടെ രണ്ട് ഗോള് ലീഡുമായി അവസാനിച്ചു. രണ്ടാംപകുതി തുടങ്ങി അന്പത്തിയൊന്നാം മിനിറ്റില് കേരള ബ്ലാസ്റ്റേഴ്സിനായി ദൈസുകെ സകായ് ഗോൾവല ചലിപ്പിച്ചു.
എഴുപത്തിയെട്ടാം മിനുറ്റിൽ സകായുടെ ക്രോസില് കാള് മക്ഹ്യൂം പന്ത് കൈകൊണ്ട് തട്ടിയതിന് ബ്ലാസ്റ്റേഴ്സിന് അനുകൂലമായി പെനാല്റ്റി ലഭിച്ചു. തുടർന്ന് ഡയമന്റക്കോസ് ബോൾ വലയിലെത്തിച്ചതോടെ ബ്ലാസ്റ്റേഴ്സ് 2-2ന് ഒപ്പമെത്തി.
എൺപത്തി നാലാം മിനിറ്റില് ഡമന്റക്കോസ് വീണ്ടും ഗോൾവല ചലിപ്പിച്ചതോടെ മഞ്ഞപ്പട വിജയം ഉറപ്പിച്ചു. എൺപത്തിയെട്ടാം മിനിറ്റില് ഫെദോർ ചെർണിച്ചും ഗോൾ നേടി. ജയത്തോടെ കെബിഎഫ്സി പോയിന്റ് പട്ടികയില് ബ്ലാസ്റ്റേഴ്സ് നാലാം സ്ഥാനം ഉറപ്പിച്ചു.