"ദോസ്തി-16'; ഇന്ത്യൻ മഹാസമുദ്രത്തിൽ ത്രിരാഷ്ട്ര അഭ്യാസത്തിന് തുടക്കമായി |

Click here for detailed news of all items

"ദോസ്തി-16'; ഇന്ത്യൻ മഹാസമുദ്രത്തിൽ ത്രിരാഷ്ട്ര അഭ്യാസത്തിന് തുടക്കമായി

Sunday, February 25, 2024 5:20 AM IST

മാലി: സമുദ്ര സുരക്ഷയും പരസ്പര പ്രവർത്തനക്ഷമതയും വർധിപ്പിക്കുന്നതിനായി ഇന്ത്യയിലെയും മാലിദ്വീപിലെയും ശ്രീലങ്കയിലെയും കോസ്റ്റ്ഗാർഡ് ഉദ്യോഗസ്ഥർ ഇന്ത്യൻ മഹാസമുദ്രത്തിൽ നാല് ദിവസത്തെ ത്രിരാഷ്ട്ര അഭ്യാസത്തിന് തുടക്കമിട്ടു.

ഫെബ്രുവരി 22 നും 25 നും ഇടയിൽ നടക്കുന്ന "ദോസ്തി-16' അഭ്യാസത്തിനായി ഇന്ത്യൻ കോസ്റ്റ് ഗാർഡിന്‍റെ കപ്പൽ സമർഥും ഐസിജിഎസ് അഭിനവും ശ്രീലങ്കൻ നാവികസേനാ കപ്പലായ സമുദ്രയും മാലിദ്വീപിലെത്തിയിരുന്നു. നിരീക്ഷകനായി ബംഗ്ലാദേശും പരിപാടിയിൽ പങ്കെടുക്കുന്നുണ്ട്.

കോസ്റ്റ് ഗാർഡ് ഹെലികോപ്റ്റർ ഐസിജിഎസ് ഡോർനിയറും അഭ്യാസത്തിന്‍റെ ഭാഗമാണ്. "ദോസ്തി-16' ഇന്ത്യ, മാലിദ്വീപ്, ശ്രീലങ്ക എന്നിവിടങ്ങളിലെ കോസ്റ്റ് ഗാർഡ് ഉദ്യോഗസ്ഥർക്കിടയിൽ സഹകരണം വർധിപ്പിക്കുമെന്നും സൗഹൃദം ശക്തിപ്പെടുത്തുമെന്നും പരസ്പര പ്രവർത്തന ശേഷി മെച്ചപ്പെടുത്തുമെന്നും ശ്രീലങ്ക പറഞ്ഞു.

ഇന്ത്യൻ കോസ്റ്റ് ഗാർഡിന്‍റെ അഡീഷണൽ ഡയറക്ടർ ജനറൽ എഡിജി എസ്. പരമേഷിന് മാലദ്വീപ് നാഷണൽ ഡിഫൻസ് ഫോഴ്സ് (എംഎൻഡിഎഫ്) വ്യാഴാഴ്ച വൈകുന്നേരം ഊഷ്മളമായ സ്വീകരണം നൽകിയിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.