കെഎസ്ആർടിസി ബസ് മരത്തിൽ ഇടിച്ച് 12 പേര്ക്ക് പരിക്ക്
Saturday, February 24, 2024 7:36 PM IST
പത്തനംതിട്ട: നിയന്ത്രണംവിട്ട കെഎസ്ആർടിസി ബസ് മരത്തിലേക്ക് ഇടിച്ചുകയറി. ഇന്ന് വൈകുന്നേരം 3.30ന് കെ.പി. റോഡിൽ അടൂർ ചെന്നംപള്ളിക്കു സമീപമുണ്ടായ അപകടത്തിൽ 12 പേർക്ക് പരിക്കേറ്റു.
കായംകുളത്തുനിന്ന് പുനലൂരിലേക്ക് പോകുകയായിരുന്ന പത്തനാപുരം ഡിപ്പോയിലെ ബസാണ് അപകടത്തിൽപ്പെട്ടത്. അപകടത്തിൽ ബസിന്റെ മുൻവശം പൂർണമായും തകർന്നു.
പരിക്കേറ്റവരെ ആശുപത്രിയിൽ പ്രവേശിപ്പിച്ചെന്നും ആരുടെയും പരിക്ക് ഗുരുതരമല്ലെന്ന് അധികൃതർ പറഞ്ഞു. പോലീസും ഫയർഫഴ്സും സ്ഥലത്തെത്തി.