വാര്ത്താസമ്മേളന വിവാദം: എഐസിസി നേതൃത്വത്തെ പ്രതിഷേധം അറിയിച്ച് സതീശന്
Saturday, February 24, 2024 3:21 PM IST
ആലപ്പുഴ: വാര്ത്താസമ്മേളന വിവാദത്തില് എഐസിസി നേതൃത്വത്തെ പ്രതിഷേധം അറിയിച്ച് പ്രതിപക്ഷ നേതാവ് വി.ഡി.സതീശന്.
പ്രശ്നങ്ങള് പരിഹരിക്കാമെന്ന് സതീശന് നേതൃത്വം ഉറപ്പ് നല്കിയതായാണ് വിവരം. സംഭവത്തിന് പിന്നാലെ സതീശനുമായും കെ.സുധാകരനുമായും കെ.സി.വേണുഗോപാല് സംസാരിച്ചു. പ്രതിപക്ഷ നേതാവ് ആലപ്പുഴയിലെ വാര്ത്താസമ്മേളനത്തിന് എത്താന് വൈകിയതോടെയാണ് കെപിസിസി പ്രസിഡന്റ് കെ.സുധാകരൻ മാധ്യമങ്ങളുടെ മുന്നിൽവച്ച് നീരസം പരസ്യമാക്കിയത്.
മാധ്യമപ്രവര്ത്തകരെ വിളിച്ചുവരുത്തിയിട്ട് പ്രതിപക്ഷ നേതാവ് എവിടെപ്പോയെന്ന് സുധാകരന് ചോദിച്ചു. ഇയാളെവിടെപ്പോയെന്ന് ചോദിച്ച സുധാകരൻ മാധ്യമങ്ങൾക്ക് മുന്നിൽവച്ച് അസഭ്യവാക്കും പറഞ്ഞു.
പിന്നീട് ചാനല് മൈക്കുകളും കാമറകളും ഓണാണെന്ന് പറഞ്ഞ് ഒപ്പമുണ്ടായിരുന്നവര് സുധാകരനെ കൂടുതല് സംസാരിക്കുന്നതില്നിന്ന് തടയുകയായിരുന്നു.സമരാഗ്നിയുടെ ഭാഗമായുള്ള വാര്ത്താസമ്മേളനം ആരംഭിക്കുന്നതിന് തൊട്ടുമുമ്പായിരുന്നു സംഭവം.