മാറ്റമുണ്ട്; സ്വര്ണവിലയില് ഇന്ന് നേരിയ വര്ധന
Saturday, February 24, 2024 2:38 PM IST
കൊച്ചി: സംസ്ഥാനത്ത് സ്വര്ണവിലയില് നേരിയ വര്ധന. ഗ്രാമിന് 20 രൂപ വര്ധിച്ചു. ഇതോടെ ഒരു ഗ്രാം സ്വര്ണത്തിന് വില 5,770 രൂപയായി. ഒരു പവന് സ്വര്ണത്തിന് 160 രൂപ വര്ധിച്ച് വില 46,160 രൂപയിലെത്തി.
ഈ മാസത്തിന്റെ തുടക്കത്തില് 46,520 രൂപയായിരുന്നു സ്വര്ണവില. രണ്ടിന് 46,640 രൂപയായി ഉയര്ന്ന് ഈ മാസത്തെ ഏറ്റവും ഉയര്ന്ന നിലവാരത്തില് എത്തി. പിന്നീടുള്ള ദിവസങ്ങളിൽ സ്വര്ണവില കുറയുന്നതാണ് ദൃശ്യമായത്.
15ന് 45,520 രൂപയായി താഴ്ന്ന് ഈ മാസത്തെ ഏറ്റവും കുറഞ്ഞ നിരക്കിലും എത്തിയിരുന്നു. തുടര്ന്നുള്ള ദിവസങ്ങളില് തിരിച്ചുകയറിയ സ്വര്ണവിലയിൽ പിന്നീട് ചാഞ്ചാട്ടമാണ് ദൃശ്യമായത്.