യുപിയില് ട്രാക്ടര് മറിഞ്ഞു; കുട്ടികളടക്കം 15 പേര് മരിച്ചു
Saturday, February 24, 2024 2:12 PM IST
കാസ്ഗഞ്ച്: ഉത്തര്പ്രദേശില് തീര്ഥാടകര്സഞ്ചാരിച്ച ട്രാക്ടര് കുളത്തിലേക്ക് മറിഞ്ഞ് ഏഴുകുട്ടികള് ഉള്പ്പെടെ 15പേര് മരിച്ചു. നിരവധി പേര്ക്ക് പരിക്ക്. പരിക്കേറ്റവരില് നാല് കുട്ടികളുടെ നില ഗുരുതരമാണ്.
പട്യാലി പോലീസ് സ്റ്റേഷന് പരിധിയിലെ ദരിയാബ്ഗഞ്ച് പ്രദേശത്താണ് ഈ അപകടം. ശനിയാഴ്ച രാവിലെ മാഗി പൂര്ണിമ ദിനത്തില് ഭക്തര് ഗംഗയില് കുളിക്കാന് പോകുമ്പോഴായിരുന്നു അപകടം.
ട്രാക്ടര് നിയന്ത്രണം വിട്ട് കുളത്തിലേക്ക് വീഴുകയായിരുന്നു. വാഹനത്തിൽ 40ല് പരം ആളുകള് ഉണ്ടായിരുന്നു.