സെക്യൂരിറ്റി ജീവനക്കാരന്റെ മരണം കുംഗ്ഫു ട്രിപ്പിള് പഞ്ചിനെ തുടര്ന്ന്; സഹപ്രവര്ത്തകന് അറസ്റ്റില്
Friday, February 23, 2024 3:31 PM IST
കൊച്ചി: എളമരക്കരയിലെ സെക്യൂരിറ്റി ജീവനക്കാരന്റെ മരണം കൊലപാതകമെന്ന് പോലീസ്. നെഞ്ചിലും വയറിലുമേറ്റ ഇടിയാണ് മരണകാരണമെന്ന് പോലീസ് അറിയിച്ചു.
സംഭവത്തില് കൊല്ലപ്പെട്ട മനോജിന്റെ സഹപ്രവര്ത്തകനായ സേവ്യറെ പോലീസ് അറസ്റ്റ് ചെയ്തു. സെക്യൂരിറ്റി ജീവനക്കാരനായ മനോജിനെ ചൊവ്വാഴ്ചയാണ് താമസസ്ഥലത്ത് മരിച്ച നിലയില് കണ്ടെത്തിയത്.
മദ്യപാനത്തെ തുടര്ന്ന് ഇരുവരും തമ്മിലുണ്ടായ തര്ക്കത്തേ തുടര്ന്നുള്ള അടിപിടിയാണ് കൊലപാതകത്തിലേക്ക് നയിച്ചത്. കുംഗ്ഫു ബ്ലാക്ക് ബെല്റ്റാണ് സേവ്യര്. കുംഗ്ഫു ട്രിപ്പിള് പഞ്ചിനെ തുടര്ന്നാണ് മരണമെന്ന് ഇയാൾ പോലീസിനോട് സമ്മതിച്ചിട്ടുണ്ട്.
മരണത്തില് അസ്വാഭാവികത തോന്നിയതിനാല് ഇയാളെ നേരത്തേ തന്നെ പോലീസ് കസ്റ്റഡിയിലെടുത്തിരുന്നു. വിശദമായ ചോദ്യം ചെയ്യലില് ഇയാള് കുറ്റം സമ്മതിക്കുകയായിരുന്നെന്നും പോലീസ് അറിയിച്ചു.