തദ്ദേശ ഉപതെരഞ്ഞെടുപ്പ്: തിരുവനന്തപുരത്ത് രണ്ടിടത്ത് ബിജെപിയെ അട്ടിമറിച്ച് എല്ഡിഎഫിന് വിജയം
Friday, February 23, 2024 11:34 AM IST
തിരുവനന്തപുരം: സംസ്ഥാനത്ത് 10 ജില്ലകളിലായി 23 തദ്ദേശ വാര്ഡുകളിലേക്ക് നടന്ന ഉപതെഞ്ഞെടുപ്പിന്റെ ഫലം പുറത്തുവന്നുതുടങ്ങി. തിരുവനന്തപുരത്തെ രണ്ട് വാര്ഡുകളില് ബിജെപിയെ അട്ടിമറിച്ച് എല്ഡിഎഫ് വിജയിച്ചു.
തിരുവനന്തപുരം കോര്പറേഷനിലെ വെള്ളാര് വാര്ഡില് സിപിഐയും ഒറ്റശേഖരമംഗലം പഞ്ചായത്തിലെ കുന്നനാട് വാര്ഡില് സിപിഎമ്മുമാണ് ബിജെപി സീറ്റുകള് പിടിച്ചെടുത്തത്.
തിരുവനന്തപുരം പഴയകുന്നുമേല് പഞ്ചായത്ത് എട്ടാം വാര്ഡ് എല്ഡിഎഫും പൂവച്ചല് പഞ്ചായത്തിലെ ആറാം വാര്ഡ് ബിജെപിയും നിലനിര്ത്തി.
അതേസമയം കഴിഞ്ഞ 20 വര്ഷമായി ബിജെപിയുടെ കൈവശമായിരുന്ന സീറ്റ് പിടിച്ചെടുക്കാനായത് ജനാധിപത്യത്തിന്റെ വിജയമാണെന്ന് മേയര് ആര്യ രാജേന്ദ്രന് പ്രതികരിച്ചു. സംസ്ഥാന സര്ക്കാരിനും നഗരസഭയ്ക്കുമുള്ള ജനങ്ങളുടെ പിന്തുണയാണ് തെരഞ്ഞെടുപ്പ് ഫലത്തില് പ്രതിഫലിക്കുന്നതെന്നും മേയര് പ്രതികരിച്ചു.