ആർസിസിയിൽനിന്നും ലക്ഷങ്ങൾ വിലയുള്ള തടി ഉരുപ്പടി മോഷണം പോയി
Friday, February 23, 2024 1:24 AM IST
തിരുവനന്തപുരം: ആർസിസിയിൽ നിന്നും ലക്ഷങ്ങൾ വിലയുള്ള തടി ഉരുപ്പടികൾ മോഷണം പോയി. ആശുപത്രി നവീകരണത്തിന്റെ മറവിൽ ലക്ഷങ്ങൾ വിലയുള്ള തടി ഉരുപ്പടികളാണ് കടത്തിയത്.
ഇതേതുടർന്നു എൻജിനീയറിംഗ് വിഭാഗം മേധാവിയെ സസ്പെൻഡ് ചെയ്തു. എൻജിനീയറിംഗ് വിഭാഗം മേധാവി ഗിരി പുരുഷോത്തമനെയാണ് സസ്പെൻഡ് ചെയ്തത്.
തേക്കിന്റെ 50 ഡോർ സെറ്റ് അടക്കമാണ് മോഷണം പോയത്. ആക്രി സാധനങ്ങൾ എടുക്കാൻ വന്ന വാഹനത്തിലാണ് തടി ഉരുപ്പടികൾ കടത്തിയത്.
ആഭ്യന്തര അന്വേഷണത്തിൽ വീഴ്ച കണ്ടെത്തിയതോടെയാണ് ഗിരി പുരുഷോത്തമനെതിരെ നടപടി കൈക്കൊണ്ടത്.