തെരഞ്ഞെടുപ്പ് നിലപാട് സ്ഥാനാര്ഥികളെ നോക്കി: കാന്തപുരം എ.പി.അബൂബക്കര് മുസ്ലിയാർ
Thursday, February 22, 2024 11:11 PM IST
മലപ്പുറം: തെരഞ്ഞെടുപ്പ് നിലപാടുകള് ആ സമയത്ത് പറയുമെന്നും മുന്കൂട്ടി പറയുന്ന രീതിയില്ലെന്നും സമസ്ത കേരള ജം ഇയ്യത്തുല് ഉലമ ജനറല് സെക്രട്ടറി കാന്തപുരം എ.പി. അബൂബക്കര് മുസ്ലിയാർ. മലപ്പുറത്ത് നടന്ന സമസ്ത പണ്ഡിത സമ്മേളനത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ലോക്സഭാ തെരഞ്ഞെടുപ്പ് ഇതുവരെ പ്രഖ്യാപിച്ചിട്ടില്ല. അതിന് മുൻപേ നിലപാടുകള് പറയുന്ന ശീലമില്ല. പഠിച്ചിട്ട് പറയേണ്ട കാര്യമാണിത്. തക്കസമയത്ത് നിലപാടുകള് പറയും.
സ്ഥാനാര്ഥികള് ആരാണെന്നൊക്കെ അറിയട്ടെ. അതിന് മുന്നേ നിലപാടുകള് പറഞ്ഞാല് കുറച്ച് കഴിഞ്ഞ് മാറ്റിപറയേണ്ടിവരുമെന്നും അദ്ദേഹം പറഞ്ഞു.
ഇന്ത്യാ മുന്നണി ശക്തിപ്പെടണം എന്ന അഭിപ്രായമുണ്ടോ എന്ന ചോദ്യത്തിന് രാഷ്ട്രീയത്തിലേക്ക് ഇപ്പോള് കടക്കുന്നില്ലെന്ന പറഞ്ഞ കാന്തപുരം ഇരുമുന്നണികളില് നിന്നും പാര്ട്ടികള് കൊഴിഞ്ഞ് പോവുകയാണല്ലോ എന്നും പറഞ്ഞു.